“Çelsi”nin müdafiəçisi Felipe Luis komandanı tərk edəcək. Futbolinfo.az xəbər verir ki, ötən yay “Atletiko”nu London klubuna dəyişən sol cinah müdafiəçisi İngiltərə təmsilçisində xoşbəxt deyil.
Braziliyalı ona verilən oyun saatından narazıdı və buna görə də klub dəyişmək istəyir. Luis konkret olaraq hansı kluba keçmək istədiyini deməsə də, o, böyük ehtimalla “Atletiko”ya qayıdacaq.
Qeyd edək ki, 29 yaşlı futbolçu mövsüm ərzində İngiltərə çempionatında cəmi 11 matç keçirib. O, cari mövsümün əvvəlində İspaniya klubundan “Çelsi”yə keçmişdi.