Bu gü Premyer Liqanın 26-cı turunda AZAL dogma arenada “Xəzər Lənkəran”ı qəbul edəcək. Futbolinfo.az xəbər verir ki, “təyyarəçilərin” müdafiəçisi Kərim Diniyev oyun öncəsi fikirlərini bildirib.
Müdafiəçi “ağ-yaşıllar”la oyunun çətin olacağını vurğulayıb: “Çalışacağıq ki, qələbə qazanaq, turnir cədvəlində irəliləyək. “Xəzər Lənkəran”ın oyununu təhlil etmişik, necə oynadıqlarını bilirik. Futbolçularının çoxu Premyer Liqa təcrübəsi var. Düşünürəm ki, çox ağır oyun olacaq. “Bakı” ilə matçdan da çətin keçəcək. İtirəcəkləri bir şey yoxdu. Qələbə üçün mübarizə aparacaqlar. 4-cü pillə uğrunda rəqibimiz “Qəbələ”nin “İnter”lə çətin oyunu var və ümid edirik ki, xal itirəcəklər. “Simurq”un isə “Bakı”nı məğlub edəcəyini düşünürəm. Ona görə də bizə bu gün mütləq qələbə lazımdı”.
Qeyd edək ki, AZAL – “Xəzər Lənkəran” oyunu saat 16:00-da “AZAL Arena”da baş tutacaq.