Avropa çempionatının elit-raund mərhələsinə hazırlıq məqsədilə Almaniyanın Frankfurt şəhərində təlim-məşq toplanışında olan 19 yaşadək futbolçulardan ibarət Azərbaycan yığma çalışmalarını davam etdirir. Futbolinfo.az xəbər verir ki, komandamız toplanış çərçivəsində yoxlama oyunu keçirib.
Yığmamız Düsseldorf şəhərini təmsil edən "Fortuna" komandasının əvəzedici heyəti ilə qarşılaşıb. Oyun 2:0 hesabı ilə Almaniya klubunun xeyrinə başa çatıb.
Maraq üçün qeyd edək ki, millimizin yarımmüdafiəçisi Toğrul Erat "Fortuna"nın əsas komandasında çıxış edir.
(affa.az)