Bu gün AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra aşağı liqalarda baş tutan oyunlarla bağlı cəzalar açıqlanıb.
Ötən dəfə 12 komandaya texniki məğlubiyyət verən komitə indi 2 klubu həmin cəzaya məruz qoyub.
Belə ki, U-19 Liqasının “Əlincə” – AZAL matçında (29 mart) AZAL-ın iştirak etməməsinə görə kluba 0:3 hesablı texniki məğlubiyyət verilir. Təyyarəçilər"in digər komandası da bu cəzaya məruz qalıb. U-16 Liqasının “Şirvan” – AZAL matçında (26 mart) AZAL klubunun iştirak etməməsinə görə kluba 0:3 hesablı texniki məğlubiyyət verilib.
(affa.az)