Sabah Topaz Premyer Liqasında 32-ci turun oyunları start götürəcək. Futbolinfo.az xəbər verir ki, qarşılaşmalar 2 gün ərzində oynanılacaq. Matçların 2-si əyalətdə, 2-si isə Bakıdadı. “Araz-Naxçıvan” çempionatı yarımçıq tərk etdiyindən bu dəfə istirahət etmək sırası AZAL-dadı.
Tura Zaqatalada keçiriləcək “Simurq – “İnter” oyunu ilə start veriləcək. “Qardaşlar”ın duelində bakılıları cütün favoriti saymaq olar. Bəlkə də, bu görüş 1 ay öncə keçirilsəydi, oyundan əvvəl kiminsə üstün olduğunu demək bir az çətin olardı. Amma indiki vəziyyətdə “bankirlər”in üstünlüyü şəksizdi. Onsuz da, Premyer Liqa çərçivəsində son 4 qarşılaşmada quru hesabla məğlub olan “sarı-qaralar”ın bu mövsüm heç bir iddiası qalmayıb. Bundan əlavə, zaqatalalıların kubokda mübarizəni dayandırması və komandanın gələcəyinin naməlum olması da əyalət təmsilçisinin oyununa psixoloji cəhətdən mənfi təsir göstərə bilər. Qarşılaşmanı xüsusi edən səbələrdən biri isə odu ki, əgər Zaqataladakı oyunda bakılılar uduzub, “Qəbələ” – “Qarabağ” matçında isə qonaqlar qalib gələrsə, o zaman Ağdam təsilçisi çempionluğunu rəsmiləşdirəcək. Sabah keçiriləcək matç, cari mövsümdə rəqiblər arasında baş tutacaq 4-cü qarşılaşma olacaq. Bundan öncəki 3 oyunda “İnter” bu rəqibindən 5 xal ala bilib. Ümumiyyətlə, komandalar arasında baş tutan 23 görüşdən 3-də “sehirli quşlar”, 16-da isə Bakı təmsilçisi qalib gəlib. Qalan 4 matçda isə tərəflər meydandan sülhlə ayrılıb. Elə topların fərqində də Kaxaber Sxadadzenin yetirmələrinin üstnlüyü var – 13:35.
Günün son qarşılaşmasında isə “Neftçi” son vaxtlar çətinliklə qalib gəldiyi “Sumqayıt”ı qəbul edəcək. Artıq gümüş medal iddiasından yavaş-yavaş uzaqlaşan bakılılar, 3-cü pillədəki mövqeyini qorumaq üçün qalib gəlməlidi. Əks təqdirdə, onlarla eyni xala malik “Qəbələ” bu tur “Qarabağ”ı məğlub edərək 3-cü pilləni özəlləşdirə bilər. Qonaqlar isə ötən tur 5 aylıq fasilədən sonra qalib gələrək, qış fasiləsindən sonra ilk dəfə 3 xal qazanmağa müvəffəq olublar. Komandalar arasında bu mövsüm keçirilən 3 görüşün hamsında “ağ-qaralar” qalib gəlib. Rəqiblər bu görüşədək 11 dəfə üzləşiblər. Bu qarşılaşmaların 7-də flaqman, 3-də isə “kimyaçılar” üstün olub. Cəmi 1 görüşdə isə bərabərlik qeydə alınıb. “Ağ-qaralar”ın vurduğu 25 qola “gənclik” şəhəri təmsilçisi 12 qolla cavab verib.
Turun digər 2 qarşılaşması isə növbəti gün – mayın 2-də keçiriləcək. Günün ilk matçında əvvəlki iddialarından uzaq düşmüş 2 komanda – “Bakı” və “Xəzər Lənkəran” qarşılaşacaq. Bu oyunda hansısa komandanı favorit kimi göstərmək çətindi. Çemponatda heç bir iddiası qalmayan rəqiblərin hər ikisi meydana 3 xal qazanmaq üçün çıxacaqlar. “Zolaqlılar”ın qış fasiləsindən sonra qələbə qazana bilməməsini nəzərə alsaq, bu görüş onlar üçün, bəlkə də, son şansdı. Cari mövsümdə komandalar arasında keçirilən qarşılaşmalarda cənublular rəqibindən 7 xal almağa müvəffəq olub. Tərəflər indiyədək çempionat çərçivəsində 31 dəfə bir-birlərinə rəqib olublar. Bu oyunlarda hər 2 tərəf 9 dəfə meydanı 3 xalla tərk edib. 13 matçda isə bərabərlik qeydə alınıb. Topların fərqində isə “gəmiçilər”in 34:30 –luq üstünlüyü hökm sürür.
Tura isə mərkəzi oyunla yekun vurulacaq. Qəbələdə şəhərin eyni adlı komandası “Qarabağ”ı qəbul edəcək. Bu qarşılaşmada kimin favorit olduğunu demək çətindi. Hər 2 komanda hazırda əla formadadı və medallar uğrunda iddialarını davam etdirirlər. Ağdamlılar çempionluğu hədəfləyibsə, meydan sahibləri 3-cülük üçün vuruşacaqlar. Artıq 8 oyundu ki, ardıcıl qələbə qazanan qəbələliləri saxlaya biləcək yeganə komanda kimi “Qarabağ”ı göstərmək olar. Baxmayaraq ki, Qurban Qurbanovun yetirmələri cari mövsümdə bu rəqibinə artıq 2 dəfə məğlub olub. 1 qarşılaşmada isə “atlılar” qalib gəlib. Bu tur “İnter” Zaqatalada məğlub olmayacağı təqdirdə belə Ağdam təmsilçisi qarşıdakı 2 oyunda da qalib gəlib, ardıcıl 2-ci il çempionluğunu rəsmiləşdirə bilər. Bu hal komandanın qalib gəlməsi üçün əlavə stimuldu. Görüş əyalət təmsilçilərinin bir-birlərinə qarşı oynayacaqları 28-ci matç olacaq. Bundan əvvəlki oyunların 7-də qəbələlilər, 13-də isə “Qarabağ” qalib gəlib. 7 qarşılaşmada isə tərəflər meydanı 1 xalla tərk ediblər. Elə topların fərqində də ağdamlıların üstnlüyü var – 36:24.
Topaz Premyer Liqası
32-ci tur
32-ci tur
1 may (cümə)
17:00. “Simurq” – “İnter”
Hakimlər: Fariz Yusifov, Cavanşir Yusifov, Vüsal Qənbərov, İnqilab Məmmədov
AFFA nümayəndəsi: Eldar Qasımov
Hakim-inspektor: Səfər Haşımov
Zaqatala şəhər stadionu
Hakimlər: Fariz Yusifov, Cavanşir Yusifov, Vüsal Qənbərov, İnqilab Məmmədov
AFFA nümayəndəsi: Eldar Qasımov
Hakim-inspektor: Səfər Haşımov
Zaqatala şəhər stadionu
20:00. “Neftçi” – “Sumqayıt”
Hakimlər: Orxan Məmmədov, Akif Əmirəli, Kamran Bayramov, Ramil Əhmədov
AFFA nümayəndəsi: Rauf Əmirov
Hakim-inspektor: Gülağa Cabarov
“Bakcell Arena”
Hakimlər: Orxan Məmmədov, Akif Əmirəli, Kamran Bayramov, Ramil Əhmədov
AFFA nümayəndəsi: Rauf Əmirov
Hakim-inspektor: Gülağa Cabarov
“Bakcell Arena”
2 may (şənbə)
17:00. “Bakı” – “Xəzər Lənkəran”
Hakimlər: Ömər Paşayev, Elman Musayev, İsgəndər Əliyev, Ramil Diniyev
AFFA nümayəndəsi: Telman Əzizov
Hakim-inspektor: Kərim Ağayev
“Bakı” FK-nın təlim-məşq bazasının stadionu
Hakimlər: Ömər Paşayev, Elman Musayev, İsgəndər Əliyev, Ramil Diniyev
AFFA nümayəndəsi: Telman Əzizov
Hakim-inspektor: Kərim Ağayev
“Bakı” FK-nın təlim-məşq bazasının stadionu
19:00. “Qəbələ” – “Qarabağ”
Hakimlər: Elvin Əsgərov, Yaşar Abbasov, Zeynal Zeynalov, Vüsal Əliyev
AFFA nümayəndəsi: Şaiq Həmidov
Hakim-inspektor: Füzuli Nəcəfov
Qəbələ şəhər stadionu
Hakimlər: Elvin Əsgərov, Yaşar Abbasov, Zeynal Zeynalov, Vüsal Əliyev
AFFA nümayəndəsi: Şaiq Həmidov
Hakim-inspektor: Füzuli Nəcəfov
Qəbələ şəhər stadionu