Bu gün Topaz Premyer Liqasının 32-ci tura start verilib. Futbolinfo.az xəbər verir ki, "Neftçi" öz meydanında "Sumqayıt"la 2:2 bərabərə qalıb.
"Bakcell Arena"dakı qarşılaşmadan sonra keçirilən mətbuat konfransında açıqlama verən qonaq komandanın baş məşqçisi Aqil Məmmədov heç-heçəni belə şərh edib:
“Son dəqiqələrdə qol buraxmağımız mənə pis təsir etdi. Ümumilikdə götürsək, maraqlı, baxımlı oyun alındı. Məndən başqa heç kim bizim oyundan narazı qala bilməz. Çatışmayan cəhət odu ki, qol imkanlarını tam dəyərləndirə bilmədik. Açığı, etdiyim əvəzetmələr uğurlu alınmadı. Meydançaya çıxan futbolçular gücümüzə güc qata bilmədilər”.
(pfl.az)