İsveç çempionatının yüksək liqası sayılan Allsvenskanda 7-ci turun oyunları keçirilib. Futbolinfo.az xəbər verir ki, Azərbaycan millisinin üzvü Emin Nurinin şərəfini qoruduğu “Kalmar” da növbəti matçına çıxıb.
"Qırmızı qardaşlar" doğma arenada "Orebro" ilə üz-üzə gəlib. Görüş ev sahibi komandanın 3:0 hesablı qələbəsi ilə başa çatıb. Ötən tur qırmızı vərəqə səbəbindən komandasına kömək edə bilməyən Nuri bu dəfə 90 dəqiqə meydanda olub.
Qeyd edək ki, "Kalmar" 7 xalla turnir cədvəlinin 11-ci pilləsində qərarlaşıb.