Çempionlar Liqasının yarımfinal mərhələsində növbəti oyun baş tutub. Futbolinfo.az xəbər verir ki, “Nou Kamp”da "Barselona" "Bavariya"nı qəbul edib.
Oyuna marağı bir qədər də artıran məqam “Bavariya”nı vaxtilə “Barselona”da işləmiş və 4 ilə 16 kubok qazanmış Xosep Qvardiolanın çalışdırması idi.
Oyuna gəlincə, azarkeşlər qol üçün uzun müddət gözləməli olsa da buna dəyib. Son 19 dəqiqədə "Barselona" 3 qol vurmaqla rəqibindən 2 il əvvəlki yarımfinalın əvəzini çıxıb. Lionel Messinin dublu və Neymarın qolu sayəsində katalonlar meydandan 3:0hesablı qələbəylə ayrılıb.
Xatırladaq ki, bu komandalar sonuncu dəfə ÇL-də 2012/13 mövsümündə, elə yarımfinal mərhələsində qarşılaşmış, həmin vaxt “Bavariya” rəqibini 4:0 və 3:0 hesablı qələbələrlə devirmişdi.
Qeyd edək ki, bu cütün cavab oyunu mayın 12-də keçiriləcək.
Çempionlar Liqası
Yarımfinal, ilk oyunlar
6 may
Barselona (İspaniya) – Bavariya (Almaniya) – 3:0
Qollar: Messi, 77; 80. Neymar, 90+3.
Baş hakim: Nikola Rissoli
Barselona. “Nou Kamp” stadionu.