K
Ölkə kuboku

Kubok "Qarabağ"ın! – YENİLƏNİB

blank
03/06/2015
Bu gün Azərbaycan Kubokunun sahibi müəyyənləşib. Futbol...
Bu gün Azərbaycan Kubokunun sahibi müəyyənləşib. Futbolinfo.az xəbər verir ki, turnirin 23-cü həlledici matçı Qəbələ şəhər stadionunda baş tutub.
Bu gərgin qarşılaşmada "Qarabağ" və "Neftçi" komandaları üz-üzə gələiblər. Son 5 mövsümdə final üzünə həsrət qalan Ağdam təmsilçisi meydandan qalib ayrılaraq, kuboka sahib çıxmaq niyyətində idi. Qurban Qurbanovun yetirmələri buna nail olarasa, çempionluqla birgə cari mövsüm "qızıl dubl"a imza atmış olacaqlardı.
Son iki mövsümdə ölkə kubokunu muzeyinə aparan Bakı klubu isə bu dəfə də iddialı idi. Lakin flaqmanın çempionatdakı zəif çıxışı və qələbəsizlik seriyası ona olan inamı bir qədər azaldırdı. Lakin "ağ-qaralar"ın bu istəyi baş tutmadı. "Qarabağ" 3:1 hesabı ilə qalib gələrək, kuboka sahib çıxdı. Bununla da çempionatı medalsız başa vuran Arif Əsədovun komandası ölkə kubokunda da eyni halla üzləşib.
 
 
Azərbaycan Kuboku
Final
 
3 iyun
“Qarabağ” – “Neftçi” – 3:1
QOL: Reynaldo, 5, 39, M. Muarem, 84 – E. Nfor, 77
Hakimlər: Rəhim Həsənov, Yaşar Abbasov,Rza Məmmədov, Orxan Məmmədov
Əlavə köməkçi hakimlər: Əliyar Ağayev, Elvin Əsgərov
AFFA nümayəndəsi: Oqtay Abdullayev
Hakim-inspektor: Ramiz Mustafayev
Qəbələ şəhər stadionu
 
"Qarabağ": İbrahim Şehiç, Qara Qarayev, Maksim Medvedev, Reynaldo Silva, Muarem Muarem, Rəşad Sadıqov (k), Riçard Almeyda, Ansi Aqolli, Leroy Corc, Bədavi Hüseynov, Cavid Tağıyev.
Ehtiyat oyunçular: Fərhad Vəliyev, Admir Teli, Hacı Əhmədov, Namiq Yusifov, Vüqar Nadirov, İlqar Qurbanov, Tural Rzayev.
Baş məşqçi: Qurban Qurbanov.
"Neftçi": Aqil Məmmədov, Karlos Kardoso, Denis Silva, Araz Abdullayev (k), Elşən Abdullayev, Julius Vobay, Nikolas Kanales, Erik Fabian Ramos, Kaue da Silva, Məqsəd İsayev, Elvin Bədəlov.
Ehtiyat oyunçular: Saşa Stamenkoviç, Rahil Məmmədov, Rəhman Hacıyev, Fəhmin Muradbəyli, Samir Məsimov, Emin Mehdiyev, Ernest Nfor.
Baş məşqçi: Arif Əsədov.
Shares: