UEFA Çempionlar Liqasının final mərhələsində "Barselona" ilə qarşılaşcaq "Yuventus" heyətində ciddi itki ilə üzləşib. Futbolinfo.az xəbər verir ki, son İtaliya çempionunun təcrübəli futbolçusu Corc Kyellini zədələnib.
İtaliya mətbuatının yazdığına görə, müdafiəçi komandasının dünənki məşqi zaman baldır əzələsindən zədə alıb. Bu səbəbdən o, məşqi erkən tərk edib. Kyellininin ispan nəhənginə qarşı matçda oynayıb-oynamayacağı tibbi müayinədən keçdikdən sonra müəyyənləşəcək.
Qeyd edək ki, "Barselona" – "Yuventus" görüşü iyunun 6-da baş tutacaq