“Liverpul” klubu ilk transferini reallaşdırıb. Futbolinfo.az xəbər verir ki, “qırmızılar” “Mançester Siti”nin futbolçusu Ceyms Milneri heyətinə qatıb.
Klubun internet saytının verdiyi məlumata görə, yarımmüdafiəçi ilə iyulun 1-də rəsmi müqavilə imzalanacaq. Hələki müqavilənin nə qədər müddətə imzalanacağı məlum deyil. Milner müxtəlif vaxtlarda “Lids”, “Nyukasl” və “Aston Villa”nın da formasını geyinib. O, 2009-cu ildən İngiltərə millisinin uğurları üçün çalışır.
Qeyd edək ki, 29 yaşlı futbolçu 2010-cu ildən “şəhərlilər”də çıxış edirdi.