"Qarabağ" Avstriyada hazırıqlarını davam etdirir. Futbolinfo.az xəbər verir ki, “köhlə atlar” hazırlığın növbəti günündə 2 məşq keçirib.
Belə ki, təlim-məşq toplanışımızda ilk dəfə olaraq bu gün Alp dağlarının ətəklərində günəşli hava mövcud idi. Yerli vaxtla 11:00-da (Azərbaycan vaxtı ilə 14:00) start götürən çalışma 90 dəqiqə davam edib. Məşq daha çox fiziki hazırlıq üzərində baş tutub.
Günün 2-ci çalışması yerli vaxtla 19:00-da başlayıb. Maraqlıdı ki, axşama yaxın hava şəraitinin dəyişməsi məşqin yağış altında keçməsinə səbəb olub. Daha çox toplu çalışmalar üzərində qurulan məşq saat yarım davam edib.
Qeyd edək ki, bu gün “Qarabağ”ın yeni transferi Elvin Yunuszadə də komandanın düşərgəsinə qoşulub. Amma gec gəldiyinə görə müdafiəçi məşqə qatılmadı.
(Klub saytı)
