Növbəti mövsümdən Topaz Premyer Liqasında çıxış edəcək "Zirə" əsas heyəti ilə yanaşı, digər komandalarına da diqqət yetirir. Son təyinat da bundan xəbər verir.
Futbolinfo.az-ın əldə etdiyi məlumata görə, "qartallar" U-19 komandasını Fizuli Məmmədova tapşırıb. Ötən mövsüm "Rəvan"ın 19 yaşlılarına çempionluq qazandıran gənc məşqçi bundan sonra "Zirə"də çalışacaq.
"Rəvan"da isə Məmmədovu Anar Vəliyev əvəz edəcək. Komandanı Avropa Gənclər Liqası matçlarına da yeni baş məşqçi çıxaracaq. "Rəvan"ın həmin oyunlardan sonrakı taleyi müəmmalıdı. Elə Fizuli bəyin gedişində də bu amil rol oynayıb.