Argentina millisi və “Napoli”nin hücumçusu Qonsalo İquain İtaliyanı tərk etmək niyyətindədi. Futbolinfo.az xəbər verir ki, Argentina millisinin üzvü karyerasını İngiltərədə davam etdirmək istəyir.
Hazırda İquainin xidmətində Premyer Liqanın 4 klubu – “Çelsi”, “Arsenal”, “Mançester Yunayted” və “Liverpul” maraqlıdılar. 27 yaşlı forvard isə “qırmızıalr”da çıxış etmək arzusundadı. Bununla bağlı o, “Napoli” rəhbərliyi ilə də görüşüb. “Liverpul”la ilkin razılıq əldə edən İquain italyanlardan onu məhz “qırmızılar”a satmağı xahiş edib.
Qeyd edək ki, hücumçu 2013-cü ildən İtaliya nəhəngində çıxış edir.