Hollandiya millisinin yeni baş məşqçisinin adına aydınlıq gəlib. Futbolinfo.az xəbər verir ki, Quus Hiddinkin istefaya göndərilməsindən sonra boş qalmış baş məşqçi postuna Danni Blind təyin olunub.
Belə ki, bu barədə Hollandiya Futbol Federasiyasının rəsmi saytı məlumat verib. Blind Hollandiya millisini avqustun 1-dən etibarən çalışdırmaya başlayacaq.
Qeyd edək ki, Hollandiya millisi AÇ-2016-nın seçmə mərhələsində A qrupunda 10 xalla üçüncü pillədə qərarlaşıb.