PSJ klubu ulduz futbolçusu Zlatan İbrahimoviçlə yolları ayırmağa hazırlaşır. Futbolinfo.az xəbər verir ki, bu barədə Fransa mətbuatı məlumat yayıb.
Belə ki, parislilər isveçli hücumçunu transferə çıxarmaq fikrindədi. Fransalı həmkarlarımız bildirir ki, Paris təmsilçisi İbrahimoviçin əvəzinə Madrid “Real”ının hücumçusu Kərim Benzemanı gətirmək istəyir. Artıq qarşı tərəflə danışıqlara start verilib. İspanlar hələlik bu təklifə cavab verməyiblər. Əlavə olaraq bildirək ki, isveçlinin PSJ ilə müqaviləsinin müddəti 2016-cı ilin yayında bitir.
Qeyd edək ki, İbrahimoviç 2012-ci ildən PSJ-də çıxış edir.