Qarşıdakı mövsümə hazırlığı Gəncədə davam etdirən “Kəpəz”in əvəzedici heyəti yoxlama oyunları keçirməkdə davam edir. Futbolinfo.az xəbər verir ki, komanda bu dəfə 1-ci divizonda çıxış edən “Şəmkir” ilə üz-üz gəlib.
Şəmkir Olimpiya İdman Kompleksində keçirilən oyun “qırmızı-ağlar”ın qələbəsi ilə başa çatıb – 3:2.
Oyuna istənilən kimi başlaya bilməyən gəncəlilər bir-birinin ardınca rəqibin 3 qoluna mane ola bilməyib. Yalnız fasilədən sonra toplanmağı bacaran “sarı-göylər” əzmkarlıq göstərərək, buraxılan qollardan ikisinin əvəzini çıxıb.
Nəzərinə çatdıraq ki, iyulun 21-də tərəflər sınaq matçında Gəncədə qarşılaşmış və həmin oyun 2:2 hesablı heç-heçə ilə nəticələnmişdi.
("Kəpəz"in mətbuat xidməti)