Bu gün Avropa Liqasında pley-off mərhələsinin ilk oyunları keçirilir. Futbolinfo.az xəbər verir ki, təmsilçimiz "Qarabağ" səfərdə İsveçrənin "Yanq Boyz" klubu ilə qarşılaşır.
Hazırda “Stad de Suiss” stadionunda keçirilən matçda Ağdam klubu heç də dəstəksiz deyil. Belə ki, Səfər meydanı olsa da, "Qarabağ" azarkeşlərinin səsi arenanı bürüyüb. Azərbaycan və qardaş ölkə Türkiyə bayraqları ilə "silahlanan" tərəfdarlar "Qarabağ", "Qarabağ bizimdi, bizim olacaq" və s. deyərək, sevimlilərini dəstəkləyirlər. Sizi həmin fanatların fotosu ilə tanış edirik.
