İsveç çempionatının yüksək liqası sayılan Allsvenskanda 21-ci turun oyunları keçirilib. Futbolinfo.az xəbər verir ki, Azərbaycan millisinin üzvü Emin Nurinin şərəfini qoruduğu “Kalmar” da növbəti matçına çıxıb.
"Qırmızı qardaşlar" doğma meydanda "Elfsborq"la üz-üzə gəlib. Görüş ev sahiblərinin 0:3 hesablı məğlubiyyəti ilə başa çatıb. Start heyətdə meydana çıxan müdafiəçimiz oyunu əvəzedilmədən keçirib.
Qeyd edək ki, “Kalmar” hazırda 22 xalla 12-ci pillədə qərarlaşıb.