"Qəbələ"nin Avropa Liqasının qrup mərhələsindəki rəqibi "Borussiya" (Dortmund) heyətini daha bir futbolçu ilə gücləndirib. Futbolinfo.az xəbər verir ki, bu barədə klubun rəsmi saytı məlumat yayıb.
Mənbədə bildirilir ki, Almaniya nəhəngi "Mançester Yunayted"in yarımmüdafiəçisi Adnan Yanuzayı icarə əsasında heyətinə qatıb. Anlaşmaya əsasən 20 yaşlı futbolçu 2016-cı ilin iyununa qədər "sarı-qaralar"ın şərəfini qoruyacaq.
Qeyd edək ki, Belçika millisinin də üzvü olan 2011-ci ildə ölkəsinin "Anderlext" klubundan İngiltərə təmsilçisinə keçib.