Dünən futbolinfo.az “Rəvan”ın “şirlərinin qanadları” ilə bağlı yazı dərc etmişdi. PLF-in saytında klubun 2007, AFFA-nın saytında isə 2009-cu ill göstərilmişdi.
Yazının işıq üzü görməsindən cəmi bir neçə saat sonra AFFA-nın saytında dəyişiklik edilib. Ali futbol qurumunun rəsmi səhifəsi “Rəvan”ın “qanadsız şirləri” olan emblemini yerləşdirərək, klubun yaranma tarixinin 2007-ci ilə təsadüf etdiyini bildirib.
Məsələyə aydınlıq gətirmək məqsədi ilə federasiyanın hüquqşünası Rəmiş Malıyevlə əlaqə saxladıq. Əməkdaşımızla söhbətdə, AFFA rəsmisi sənədlərin arxivə təhvil verildiyini və konkret cavabı yaxın günlərdə verə biləcəyini dilə gətirdi. Gözləyək…