Avropa Çempionatının seçmə mərhələsi çərçivəsində keçiriləcək Azərbaycan – Xorvatiya oyunundan öncə qalmaqal qalmaqal yaşanıb. Az öncə xəbər verdiyimiz kimi matçdan 1 saat öncə AFFA rəsmiləri fan-klublara bilet paylamalıydı.
Deyilən vaxtda azarkeşlərlə görüşən qurum rəsmisi nəzərdə tutulan azarkeş sayından az pulsuz bilet təşkil etdiyinə görə, tərəflər arasında mübahisə başlayıb. Ardınca federasiya rəsmilərindən biri fan-klub rəhbərini təhqir edəndən sonra tərəflər əlbəyaxa davaya çıxıb. Fanatların təzyiqindən çəkinən qurum rəsmisi bilet satılan kassaya sığınaraq, aradan çıxıb. Yalnız polislərin müşayəti ilə tərəflər arasında yaşanan dialoqdan sonra razılıq əldə olunub. Sonda azarkeşlər istədiyi qədər biletə sahib çıxıblar.
