Sabah Avropa Liqasının qrup mərhələsi çərçivəsində “Qarabağ” Londonda yerli “Tottenhem”in qonağı olacaq. Dünən meydan sahiblərinin baş məşqçisi Maurisio Poçettino və komandanın qapıçısı Üqo Loris matçla bağlı fikirlərini bildirib.
Fransalı əlcək sahibi oyun haqda qısaca olaraq bunları bildirib: “Bizim üçün bütün matçlar vacibdi. Bu da mühüm oyunlarımızdan biridi. Çox çətin qarşılaşma olacaq”.
Argentinalı mütəxəssis isə “Qarabağ”ı tərifləyib: “Qarabağ”ın güclü bir komanda olduğunu bilirəm. Belə kiçik bir ölkədən bu cür komandanın olmasına təəcüblənirəm. Rəqibin əksər oyunlarda müdafiədən hücuma müdafiədən başlayırlar. “Qarabağ”a hörmət etməliyik, asan matç olmayacaq. Bizim üçün hər matç vacibdi. Rəqibin çox yaxşı futbolçuları var”.