Premyer liqanın V turu çərçivəsində səfərdə “Neftçi”nin qonağı olacaq “Xəzər Lənkəran” hazırlığına start verib. Futbolinfo.az xəbər verir ki, "ağ-yaşıllar" Lənkərandakı bazasında dünəndən etibarən bir araya gələrək məşqlərini davam etdirir.
Heyətdə zədəli futbolçu olmasa da, Sadio Tounkaranın “ Böyük oyun”da meydana çıxması sual altındadı. Artıq 4 aydı ki, əməliyyat olunan malili futbolçu komanda ilə birgə məşqlərə qoşulsa da, meydana çıxmağa tam hazır deyil.
Sentyabr ayının 18-nə qədər hazırlığı doğma şəhərdə davam etdirəcək Yunis Hüseynovun komandası sonra matç üçün paytaxta yola düşəcək.
Xatırladaq ki, qarşıdakı “Böyük oyun” sentyabr ayının 20-də saat 21.00-da “ Bakcell Arena” da baş tutacaq.