Avropa Liqasının qrup mərhələsinin ilk oyununda “Qəbələ” ilə 0:0-lıq heç-heçə edən Yunanıstanın PAOK klubunun qapıçısı Robin Olsen açıqlama verib. Futbolinfo.az xəbər verir ki, danimarkalı qapıçı nəticədən narazı qaldığını bildirib.
“Çətin oyun oldu. Biz yaxşı komandaya qarşı səfərdə oynadıq. Amma PAOK bu gün meydanda istədiyini edə bilmədi. Heç də yaxşı çıxış etmədik. Nəticə heç də yaxşı deyil, amma uduzmamağımıza sevinirəm. Uduzmaqdansa, 1 xal daha yaxşıdı. Növbəti oyunumuzu evdə oynayacağıq. Rəqib çox güclü “Borussiya” da olsa, qələbə haqqında düşünürük".