Vaxtilə “Xəzər Lənkəran”da, “Turan”da və “Simurq”da foma geymiş malili hücumçu Salif Ballonun indi daha bir klubumuzun hədəfindədi. Futbolinfo.az xəbər verir ki, bu mövsüm autsayder olan AZAL afrikalı forvardla maraqlanır.
Saytımıza açıqlama verən Ballo da bunu təsdiq edib. O bildirib ki, artıq AZAL-la razılıq əldə edib: “Mən AZAL-la danışıqlar aparıram və bu komandaya keçəcəm. Artıq aramızda razılıq əldə olunub. Müəyyən məsələlər qalıb ki, onları həll etməliyik. Növbəti çərşənbə günü Bakıya gələcəm. Bundan sonra müqavilə imzalayacağam”.
Forvard "Rəvan"a keçəcəyi ilə bağlı iddialara da münasibət bildirib: "Mənim "Rəvan"a keçəcəyimlə bağlı deyilənlər doğru deyil. Çünki onlarla danışıq aparmıram. AZAL-la isə demək olar ki, hər şey razılaşdırılıb".