Topaz Premyer Liqasının 6-cı turu çərçivəsində “Rəvan”ın qonağı olacaq “Qəbələ” artıq Bakıdadı. Futbolinfo.az xəbər verir ki, baş məşqçi Roman Qriqorçuk bu dəqiqələrdə komandasını paytaxtdakı oyunöncəsi ilk məşqinə çıxarıb.
“Qəbələ” məşqi Bakı Olimpiya stadionunun ehtiyat meydançasında keçir. Bölgə təmsilçisi bu yöndə novator rolunda çıxış etmir. Belə ki, 5-ci turda “Neftçi”ylə “Xəzər Lənkəran” arasında baş tutan matçdan öncə də tərəflər məhz sözügedən meydançada məşq etmişdilər.
Qeyd edək ki, “Rəvan” – “Qəbələ” oyunu sentyabrın 25-də baş tutacaq.