Topaz Premyer Liqasının 6-cı turu şənbə günü baş tutacaq 2 oyunla davam edəcək. Oyunlardan biri Bakıda, digəri isə Sumqayıtda reallaşacaq.
26 sentyabr
“Qarabağ” – “Neftçi”
19:00, Tofiq İsmayılov adına Suraxanı qəsəbə stadionu
Hakimlər: Fariz Yusifov, Vaqif Musayev, Mübariz Haşımov, Knyaz Əmiraslanov
Əlavə köməkçi hakimlər: Orxan Məmmədov, Elvin Əsgərov
AFFA nümayəndəsi: Namiq Məstanov
Hakim-inspektor: Gülağa Cabarov
Geniş heyətə və təcrübəli futbolçulara sahib olan meydan sahibləri görüşün favoritidi. Sonuncu dəfə öz meydanında fevralda “Qəbələ”yə məğlub olan “atlılar” çox nadir hallarda qonaqların sevinməsinə şərait yaradır. Gənc futbolçulardan qurulan paytaxt təmsilçisi üçün isə bu qarşılaşmada qazanılacaq 1 xal da uğur sayıla bilər.
“Qarabağ” və “Neftçi” 1992-ci ildən bəri keçirilən bütün çempionatlarda iştirak edən yeganə komandalardı. Ağdamlılar son vaxtlar “Neftçi” üçün arzuolunmaz rəqibə çevrilib. Belə ki, bakılılar artıq 8 matçdı bu rəqibi üzərində qələbənin nə olduğunu bilmir. Bu müddətdə “ağ-qaralar” ən yaxşı halda 3 görüşdən 1 xalla ayrılmağa müvəffəq olub.
Bundan başqa, ötən mövsümün sonunda “Neftçi”dən uzaqlaşdırılmış, indi isə “Qarabağ”ın uğurları üçün tər tökən Elvin Yunuszadə sabiq klubuna qarşı ilk dəfə forma geyinəcək.
Adıçəkilən komandaların baş məşqçiləri Qurban Qurbanov və Samir Əliyev futbolçu kimi bir vaxtlar milli komandada və “Neftçi”də çiyin-çiyinə mübarizə aparıblar. Bu, onların məşqçi kimi ilk üzləşməsi olacaq. Əliyevin təcrübəli həmkarı ilə görüşdə uğur qazanmaq şansı elə də yüksək deyil. Necə ki, birvaxtlar adıçəkilən məşqçilərlə futbolçu kimi bir yerdə çıxış etmiş başqa birisi – Emin Quliyev 2-ci turda “Rəvan”ın baş məşqçisi kimi Qurbanovun “Qarabağ”ı ilə görüşdə xalsız qalmışdı.
“Qarabağ” – “Neftçi”: 60 oyun, +20=23-17, top fərqi – 59:57
26.09.1992 Neftçi (Bakı) – Qarabağ (Ağdam) 1:1
20.10.1992 Qarabağ (Ağdam) – Neftçi (Bakı) 2:1
16.10.1993 Neftçi (Bakı) – Qarabağ (Ağdam) 1:1
03.04.1994 Qarabağ (Ağdam) – Neftçi (Bakı) 1:0
02.10.1994 Neftçi (Bakı) – Qarabağ (Ağdam) 3:2
12.02.1995 Qarabağ (Ağdam) – Neftçi (Bakı) 0:0
17.09.1995 Neftçi (Bakı) – Qarabağ (Ağdam) 2:2
06.03.1996 Qarabağ (Ağdam) – Neftçi (Bakı) 1:1
04.05.1996 Qarabağ (Ağdam) – Neftçi (Bakı)* 1:2
12.06.1996 Neftçi (Bakı) – Qarabağ (Ağdam)* 2:2
11.12.1996 Neftçi (Bakı) – Qarabağ (Ağdam) 0:0
17.05.1997 Qarabağ (Ağdam) – Neftçi (Bakı) 2:1
22.11.1997 Qarabağ (Ağdam) – Neftçi (Bakı) 1:0
02.05.1998 Neftçi (Bakı) – Qarabağ (Ağdam) 1:1
23.09.1998 Qarabağ (Ağdam) – Neftçi (Bakı) 1:0
30.01.1999 Neftçi (Bakı) – Qarabağ (Ağdam) 0:0
24.04.1999 Qarabağ (Ağdam) – Neftçi (Bakı) 1:0
15.05.1999 Neftçi (Bakı) – Qarabağ (Ağdam) 0:0
14.11.1999 Neftçi (Bakı) – Qarabağ (Ağdam) 2:0
02.04.2000 Qarabağ (Ağdam) – Neftçi (Bakı) 1:1
04.11.2000 Qarabağ (Ağdam) – Neftçi (Bakı) 0:4
04.03.2001 Neftçi (Bakı) – Qarabağ (Ağdam)** +:-
11.11.2001 Neftçi (Bakı) – Qarabağ-Azərsun (Ağdam) 1:0
17.03.2002 Qarabağ-Azərsun (Ağdam) – Neftçi (Bakı) 1:0
11.07.2003 Neftçi (Bakı) – Qarabağ-Azərsun (Ağdam) 2:0
13.03.2004 Qarabağ-Azərsun (Ağdam) – Neftçi (Bakı) 1:3
05.12.2004 Neftçi (Bakı) – Qarabağ (Ağdam) 1:0
04.05.2005 Qarabağ (Ağdam) – Neftçi (Bakı) 2:1
22.08.2005 Qarabağ (Ağdam) – Neftçi (Bakı) 2:2
16.02.2006 Neftçi (Bakı) – Qarabağ (Ağdam) 2:0
18.09.2006 Neftçi (Bakı) – Qarabağ (Ağdam) 0:0
27.04.2007 Qarabağ (Ağdam) – Neftçi (Bakı) 0:2
25.11.2007 Neftçi (Bakı) – Qarabağ (Ağdam) 0:0
17.05.2008 Qarabağ (Ağdam) – Neftçi (Bakı) 0:0
08.11.2008 Qarabağ (Ağdam) – Neftçi (Bakı) 1:1
26.04.2009 Neftçi (Bakı) – Qarabağ (Ağdam) 0:1
18.10.2009 Qarabağ (Ağdam) – Neftçi (Bakı) 1:0
03.02.2010 Neftçi (Bakı) – Qarabağ (Ağdam) 0:0
10.04.2010 Qarabağ (Ağdam) – Neftçi (Bakı) 2:0
15.05.2010 Neftçi (Bakı) – Qarabağ (Ağdam) 0:0
08.08.2010 Neftçi (Bakı) – Qarabağ (Ağdam) 1:1
28.11.2010 Qarabağ (Ağdam) – Neftçi (Bakı) 0:1
03.04.2011 Neftçi (Bakı) – Qarabağ (Ağdam) 2:0
13.05.2011 Qarabağ (Ağdam) – Neftçi (Bakı) 3:0
25.10.2011 Neftçi (Bakı) – Qarabağ (Ağdam) 3:2
26.11.2011 Qarabağ (Ağdam) – Neftçi (Bakı) 1:2
01.04.2012 Qarabağ (Ağdam) – Neftçi (Bakı) 0:0
29.04.2012 Neftçi (Bakı) – Qarabağ (Ağdam) 2:1
11.08.2012 Qarabağ (Ağdam) – Neftçi (Bakı) 1:0
02.12.2012 Neftçi (Bakı) – Qarabağ (Ağdam) 0:1
07.04.2013 Neftçi (Bakı) – Qarabağ (Ağdam) 1:2
04.05.2013 Qarabağ (Ağdam) – Neftçi (Bakı) 1:2
28.09.2013 Neftçi (Bakı) – Qarabağ (Ağdam) 0:0
08.12.2013 Qarabağ (Ağdam) – Neftçi (Bakı) 3:1
28.02.2014 Neftçi (Bakı) – Qarabağ (Ağdam) 1:4
27.04.2014 Qarabağ (Ağdam) – Neftçi (Bakı) 1:1
27.09.2014 Neftçi (Bakı) – Qarabağ (Ağdam) 1:3
07.12.2014 Qarabağ (Ağdam) – Neftçi (Bakı) 0:0
19.02.2015 Neftçi (Bakı) – Qarabağ (Ağdam) 0:1
25.04.2015 Qarabağ (Ağdam) – Neftçi (Bakı) 3:2
BU MÖVSÜM…
…“Qarabağ” öz meydanında: 1 oyun, 1 qələbə, top fərqi – 1:0
…“Neftçi” səfərdə: 2 oyun, 1 qələbə, 1 məğlubiyyət, top fərqi –3:2
OYUNDAN NOTLAR
• Cəza üzündən oyunu buraxan yoxdu.
• Elvin Yunuszadə (Qarabağ) cəza həddindədi.
• Namiq Ələsgərov, Çumbinyo (hər ikisi “Qarabağ”) zədə üzündən meydana çıxmayacaq.
• Bakılıların əsas qapıçısı Aqil Məmmədov məşqlərə başlayıb və oynamaq ehtimalı böyükdü.
HAKİM
Qarşılaşmanı idarə edəcək Fariz Yusifov cari mövsümdə 5-ci dəfə iş başında olacaq. O, artıq “Neftçi”nin bir oyununda ədaləti qoruyub. Sabiq FIFA referisi ilk turda “Kəpəz”lə baş tutan matçda bakılıların 2 futbolçusunu sarı vərəqə ilə cəzalandırmışdı. O, gəncəlilərin də eyni sayda oyunçusuna xəbərdarlıq etmişdi. Sonradan Şəhriyar Əliyevin “sarı”ları “qırmızı”ya çevrilmişdi.
“Sumqayıt” – AZAL
19:00, “Kapital Bank Arena”
Hakimlər: Rəhim Həsənov, Azər Əsgərov, Vüsal Qənbərov, Nail Nağıyev
AFFA nümayəndəsi: Adil Nadirov
Hakim-inspektor: Xaqani Məmmədov
Cari mövsümdə qələbə qazana bilməyən 2 komandadan biri uğursuz seriyaya son qoya bilər. Cütün favoriti kimi meydan sahiblərini göstərmək olar. “Kimyaçılar” geridə qalan 5 turun 3-də rəqibləri ilə sülhə razı olub. “Təyyarəçilər”in isə cari mövsümkü nəticələrinə nəzər saldıqda komandanın fiasko yaşadığının şahidi olarıq. Tərlan Əhmədovun yetirmələri 5 tur ərzində nəinki xal qazanmayıb, heç rəqib qapısına yol da tapa bilməyib. Bu, qəsəbə təmsilçisinin tarixi ərzində ən bərbad startıdı. Əsasən gənc və heç kimə lazım olmayan futbolçuların ümidinə qalan şüvəlanlılar belə davam etsə, çox güman ki, növbəti mövsüm 1-ci divizionda mübarizə aparacaq.
Maraqlıdı ki, günün digər dueli olan “Qarabağ” – “Neftçi” matçında olduğu kimi, bu görüşdə də hər iki komandanın baş məşqçisi – Aqil Məmmədov və Tərlan Əhmədov vaxtilə milli komandada qısa müddətdə bir yerdə çıxış ediblər.
“Sumqayıt” – AZAL: 16 oyun, +3=7-6, top fərqi – 17:23
30.10.2011 Sumqayıt Şəhər – AZAL (Bakı) 2:1
07.03.2012 AZAL (Bakı) – Sumqayıt Şəhər 6:3
08.04.2012 AZAL (Bakı) – Sumqayıt Şəhər 1:1
06.05.2012 Sumqayıt – AZAL (Bakı) 1:0
04.08.2012 Sumqayıt – AZAL (Bakı) 2:2
25.11.2012 AZAL (Bakı) – Sumqayıt 1:1
14.04.2013 Sumqayıt – AZAL (Bakı) 0:2
08.05.2013 AZAL (Bakı) – Sumqayıt 1:0
23.08.2013 AZAL (Bakı) – Sumqayıt 1:0
03.11.2013 Sumqayıt – AZAL (Bakı) 0:0
08.02.2014 AZAL (Bakı) – Sumqayıt 2:2
28.03.2014 Sumqayıt – AZAL (Bakı) 2:1
20.09.2014 Sumqayıt – AZAL (Bakı) 0:1
29.11.2014 AZAL (Bakı) – Sumqayıt 3:2
15.02.2015 Sumqayıt – AZAL (Bakı) 0:0
17.04.2015 AZAL (Bakı) – Sumqayıt 1:1
BU MÖVSÜM…
..“Sumqayıt” öz meydanında: 2 oyun, 2 heç-heçə, top fərqi – 1:1
…“AZAL” səfərdə: 2 oyun, 2 məğlubiyyət, top fərqi – 0:2
OYUNDAN NOTLAR
• Cəza üzündən Aleksandr Çertoqanov (Sumqayıt) oyunu buraxacaq.
• Cəmil Hacıyev (Sumqayıt) cəza həddindədi.
• Elmin Çobanov və Nugzar Kvirtiya (hər ikisi AZAL) zədə üzündən meydana çıxmayacaq.
HAKİM
“Kapitalbank Arena”da baş tutacaq qarşılaşmanı Rəhim Həsənov idarə edəcək. Bu, hakimin cari mövsümdə 6-cı təyinatıdı. Həsənov hələ ki, bütün turlara təyinat alan yeganə referidi. O, cari mövsümdə adıçəkilən komandaları ilk dəfə meydanda görəcək. Ədalət təmsilçisi 5 tur ərzində ümumilikdə futbolçuları 25 sarı, 3 qırmızı vərəqə, 1 dəfə də ağ nöqtəni göstərib.
ELMAR ABDULLA-ZADƏ