Avropa Liqasında qrup mərhələsinin 2-ci turunda "Qarabağ" evdə "Anderlext"i (Belçika) qəbul edəck. Futbolinfo.az xəbər verir ki, artıq komandaların oyunöncəsi son məşqinin və mətbuat konfranslarının da vaxtı bəllidi.
İlk olaraq jurnalistlər önünə sentyabrın 30-da saat 15:00-da Ağdam təmsilçisinin baş məşqçisi Qurban Qurbanov çıxacaq. “Atlılar” oyun öncəsi son məşqə saat 18:30-da başlayacaq.
Ardınca isə saat 19:30 Belçika təmsilçisinin baş məşqçisi Besnik Hasi media mənsublarının suallarını cavablandıracaq. Brüsselilərin oyun qabağı son məşqi isə saat 20:00-a nəzərdə tutulub.
Hər iki baş məşqçinin mətbuat konfransı və komandaların məşqləri matçın keçiriləcəyi Tofiq Bəhramov adına Respubilka stadionunda baş tutacaq.
Qeyd edək ki, sözügedən qarşılaşma oktyabrın 1-də saat 20:00-start götürəcək.