Azərbaycan millisinin AÇ-2016-nın seçmə mərhələsində keçirəcəyi son ev oyununun hakimləri müəyyənləşib.Futbolinfo.az xəbər verir ki, oktyabrın 10-da İtaliyaya qarşı Bakıda keçiriləcək matçı qarışıq hakimlər briqadası idarə edəcək.
Belə ki, Bakı Olimpiya stadionundakı görüşdə şotlandiyalı referi Villiam Kollum fit çalacaq. Ona Damian Makqreyt (İrlandiya), Frensis Konnor (Fransa) və həmyerliləri – Robert Makden, Con Bitom, dördüncü hakim kimi də Alastair Mater yardım edəcək.
Oyunun hakim-inspektoru Marinus Kopman (Hollandiya), UEFA nümayəndəsi isə Aynar Leppanen (Finlandiya) olacaq.