“Neftçi” klubu yeni layihəyə start verib. Futbolinfo.az xəbər verir ki, “ağ-qaralar” paytaxtda yerləşən orta məktəbdən istedadlı uşaqları seçərək aşağı yaş qrupu üzrə komandalarına cəlb edəcək.
Bu gün artıq ilk seleksiya xarakterli məşq baş tutub. İlk məkan Keşlə qəsəbəsində yerləşən 201 saylı məktəb olub. Burada 100-dən çox uşaq baxışdan keçib. Əsasən, 6-10 yaş uşaqların iştirak etdiyi seçimlərdə fərqlənənlərin adları qeyd olunub. Klubun mətbuat xidmətinin rəhbəri Mehman Rəsulovun verdiyi məlumata görə bu tipli seçimlər davamlı olacaq.
