Futbolinfo.az saytının 2 yaşının tamam olması münasibətilə aldığı çoxlu təbriklər işçi heyəti çox məmnun etdi. Görülən işin qiymətləndirməsi adamda yalnız fərəh hissi doğurur.
Dünən – ad günümüzün ertəsi redaksiyamıza qəfil gələn qonaq isə bizi əyani təbrik etmək niyyətinə düşənlərdən idi. "Qarabağ"ın mətbuat xidmətinin rəhbəri Nurlan İbrahimov əlində tortla qapımızı döydü. Klub adından təbrikə gələn sabiq həmkarımızla xeyli söhbət etdik, xoş xatirələri bölüşdük.
Diqqətə görə bir daha Nurlan bəyə təşəkkür edir, Ağdam klubuna nəcib addımı səbəbi ilə minnətdarlığımızı bildiririk. Yaddan çıxmayasız…