Sabah Topaz Premyer Liqasında 9-cu tura start veriləcək. Futbolinfo.az xəbər verir ki, “Neftçi” səfərdə AZAL-ın qonağı olacaq.
“Ağ-qaralar” bu qarşılaşmaya hazırlıqlarını davam etdirir. 6-cı turda “Qarabağ”la görüşdə zədələnən Araz Abdullayev çox ehtimal ki, “təyyarəçilər”lə matçı da buraxacaq. O, hələ ki, komandadan ayrı fərdi məşqlə kifayətlənir. Bundan başqa, 7-ci turda “Zirə” ilə görüşdə qırmızı vərəqə alan Fəhmin Muradbəyli də cəza səbəbindən komandasına kömək edə bilməyəcək.
Qeyd edək ki, sözügedən görüş sabah saat 18:00-da “AZAL Arena”da baş tutacaq.