Avropa Liqasının qrup mərhələsində “Tottenhem” üzərində 2:1 hesablı qələbə qazanan “Anderlext”in futbolçusu Steven Defur yerli mətbuata açıqlama verib. Futbolinfo.az xəbər verir ki, “Qarabağ”la eyni qrupda yer alan belçikalıların yarımmüdafiəçisi İngiltərə klubu üzərində qələbəni möhtəşəm adlandırıb.
Defur bildirib ki, Azərbaycandakı məğlubiyyətdən sonra belə qalibiyyətə inanmayıblar: “Bu möhtəşəm qələbə idi. “Qarabağ”a məğlubiyyət bizi çətin duruma salmışdı. İnanmırdıq ki, belə yaxşı olacaq. Hər kəsi təbrik edirəm. Rəqib adlı-sanlı komandadır. Onlara belə qalib gəlmək qürurvericidir”.