Dünən Avropa Liqasının qrup mərhələsi çərçivəsinin 3-cü turunda “Qarabağ” səfərdə “Monako” ilə qarşılaşıb. Futbolinfo.az xəbər verir ki, təmsilçimizin 0:1 hesabı ilə uduzduğu oyundan sonra rəqib komandanın futbolçusu və oyunda vurulan yeganə qolun müəllifi Lasina Traore yerli mətbuata açıqlama verib.
Fildişi sahilli hücumçu Ağdam təmsilçisinin ilk hissədə daha çox topa sahib olmasından danışıb: “Bu, uğurlu nəticədir və bizi qrup lideri etdi. Ümumiyyətlə, oyun boyu, xüsusən də ilk hissədə rəqib özündə daha yaxşı top saxlayırdı. Əlimə bir fürsət düşdü və ondan yararlanıb qol vurdum. Qələbənin ardını Bakıda da gətirmək lazımdır. Ümumiyyətlə, “Qarabağ” üzərində qələbə Avropa Liqası baxımından bizim üçün çox əhəmiyyətli idi. Qarşıdakı 3 matçdan da maksimum xallar yığmalıyıq. Ümid edirəm ki, lider kimi qrup mərhələsini başa vuracağıq”.