Ötən gün İsveçrənin Lozanna şəhərində Emil Mpenza məsələsi barədə İdman Arbitraj Məhkəməsinin (CAS) dinləmələri baş tutub. Futbolinfo.az xəbər verir ki, dinləmələrdə “Neftçi” tərəfindən prosesə cəlb olunmuş ispaniyalı vəkil Jozef Vandellas, klubun icraçı direktoru Elnur Məmmədov, Mpenzanın transferi müddətində danışıqlarda və FİFA ilə yazışmalarda iştirak etmiş Qədir Həsənov ilə Tural Piriyev şahid qismində təmsil olunublar.
İsveçrə vaxtı ilə saat 9:30-da başlamış dinləmələr 6 saatdan artıq davam edib. İdman Arbitraj Məhkəməsi prosesin bundan sonrakı gedişatı və qəbul ediləcək hər hansı qərarla bağlı “Neftçi”yə rəsmi məlumat ünvanlayacaq.