Xəbər verdiyimiz kimi, Azərbaycan milli komandasının məşqçisi Mahmud Qurbanov Avropa Liqasının qrup mərhələsi çərçivəsində keçirilən “Monako” – “Qarabağ” görüşünü izləyib. Yerli komandanın 1-0 hesablı qələbə qazandığı oyun barədə düşüncələrini futbolinfo.az saytı ilə bölüşən gənc məşqçi bunları söylədi:
“Qarabağ”ın heyətində problemlər vardı. Reynaldonun yoxluğu hiss olunurdu. Amma ümumi götürsək, “Qarabağ” pis futbol oynamadı. Rəqibin heyətində təcrübəli oyunçular vardı. Xüsusən də müdafiə xəttində təcrübəlilər çıxış edir. Amma “Qarabağ” həmin rəqibi Azərbaycanda məğlub edə bilər. Ən pis halda 1 xal qazana bilərik”.
Qeyd edək ki, “Qarabağ” klubu Avropa Liqasında keçirdiyi 3 oyunda 1 qələbə qazanıb, 2 dəfə məğlub olub.