Türkiyə PTT 1-ci Liqasında 9-cu turun oyunları keçirilib. Futbolinfo.az xəbər verir ki, Azərbaycan millisinin üzvü Kamran Ağayevin şərəfini qoruduğu "Karşıyaka" da növbəti matçına çıxıb.
Adıçəkilən komanda doğma meydanda "Elazığspor"la üz-üzə gəlib. Görüş “Karşıyaka”nın 2:0 hesablı qələbəsi ilə başa çatıb. Ağayev bu oyunda da 90 dəqiqə forma geyinib.
Qeyd edək ki, "Karşıyaka" 9 xalla 14-cü pillədə qərarlaşıb.