Topaz Premyer Liqasının 9-cu turu çərçivəsində AZAL-a məğlub olan “Neftçi” hazırlıqlarını ara vermədən davam etidir. Futbolinfo.az xəbər verir ki, bakılılar bu gün də növbəti məşqinə çıxacaq.
“Ağ-qaralar”ın bugünkü çalışmaları İsmət Qayıbov adına Bakıxanov qəsəbə stadionunda baş tutacaq. Komandada itkilər var.Uzun müddətdi zədəli olan Araz Abdullayev böyük ehtimalla növbəti turda “İnter”lə qarşılaşmanı buraxacaq. Bundan başqa, AZAL-la oyunun son dəqiqələrində qırmızı vərəqə alan Filyo Rodriqes də “bankirlər”lə görüşdə komandasına kömək edə bilməyəcək. Həmçinin “təyyarəçilər”lə görüşdən sonra baş məşqçi Samir Əliyev tərəfindən əvəzedici komandaya göndərilən Samir Mənsimov və Məhəmməd Qurbanovun da bu qarşılaşmada iştirak etməyəcəyi dəqiqdi. Əvəzində zədəsini sağaldan Salas Quinta sıraya dönüb. Elə 2 oyunluq cəzasını başa vuran Fəhmin Muradbəyli də baş məşqçinin şans verəcəyi halda meydana çıxa biləcək.
Qeyd edək ki, “Neftçi” – “İnter” oyunu ayın 28-i, saat 19:00-da “Bakcell Arena”da baş tutacaq.