Dünən də məlumat verdiyimiz kimi, “CBC Sport” bu gün I Divizionun 7-ci turu çərçivəsində baş tutacaq “Bakı” – “Şahdağ” qarşılaşmasını yayımlamalı idi. Bu barədə "Bakı" klubunun rəhbərliyi məlumat vermişdi.
Hətta oyunun canlı yayımlanacağını nəzərə alan paytaxt təmsilçisi bu matç üçün bazanın təbii ot örtüklü əsas meydançasını da tam hazır vəziyyətə gətirmişdilər. Onlar stadiona reklam lövhələri də düzmüşdülər. Hətta matçın startına az qala hər iki komanda da təbii qozonlu meydançaya çıxmağa hazırlaşırdı.
Lakin “CBC Sport” vədinə əməl etmədi və bakılıları aldatdı. Qarşılaşmanın canlı yayımlanmayacağını bilən rəhbərlik oyunu süni qazonda keçirməyi qərara aldı. Hadisə yerində olan əməkdaşımızın verdiyi məlumata görə oyun hazırda süni meydançada keçirilir.
Sizi ot örtüklü meydançadan özəl fotolarla tanış edirik:
