“Qarabağ” Avropa Liqasının qrup mərhələsinin 4-cü turu çərçivəsində Fransanın “Monako” klubunu qəbul edəcək. Futbolinfo.az xəbər verir ki, artıq matçın biletlərinin satışa çıxacağı vaxt məlumdu.
Klubun mətbuat xidmətinin rəhbəri Nurlan İbrahimovdan aldığımız məlumata görə, qarşılaşmanın biletləri həftənin 1-ci günündən, yəni noyabrın 2-dən oyunun keçiriləcəyi Tofiq Bəhramov adına Respubilka stadionunun kassalarında satışa çıxarılıacaq.
Biletlərin qiyməti sektorlardan asılı olaraq, 1-20 manat arası dəyişəcək. VİP lojadan oyunu izləmək istəyənlər isə 50 manatından keçməlidi. Bundan başqa, ötən oyunlara nisbətən budəfəki biletlər daha ucuz olacaq. Həmçinin “Anderlext”lə oyundan öncə olduğu kimi bilet satışı sektorlara uyğun bölmələrlə təşkil olunacaq.
Qeyd edək ki, “Qarabağ” – “Monako” oyunu noyabrın 5-i, saat 20:00-da start götürəcək.