Oktyabrın 30-da Azərbaycan Dövlət İqtisad Universitetində (UNEC) “UNEC TGT CUP 2015” turnirinin püşkatma mərasimi olub. Futbolinfo.az xəbər verir ki, mərasimi öz nitqi ilə açan TGT sədri Yusif Məmmədzadə tələbələrə uğurlar arzu edib.
Mərasimdə “Neftçi”nin Müşahidə Şurasının üzvü Bəhram Bağırzadə, azarkeşlərlə iş üzrə koordinator Kənan Hənifəyev və klubun kapitanı Araz Abdullayev iştirak edib.
Yarışla bağlı tələbələrə məsləhət və tövsiyələr verən klub nümayəndələri idmanın əhəmiyyətindən danışıblar. Çıxışlardan sonra püşk atılıb. Püşkatmada 24 komanda 6 qrup üzrə bölünüb. Hər qrupda yarışan ən güclü iki komanda final mərhələsinə vəsiqə qazanacaq. B.Bağırzadə qalib komanda üzvlərinə “Neftçi” fanklub kartlarının hədiyyə ediləcəyini bildirib. Sonda komanda üzvlərinə “Neftçi”nin formaları hədiyyə edilib.
Qeyd edək ki,bu tələbələr və gənclər arasında azarkeşlik mədəniyyətinin formalaşması üçün Azərbaycanda olan ilk belə tədbir idi.