Avropa Liqasının qrup mərhələsinin IV turu çərçivəsində noyabrın 5-də baş tutacaq "Qarabağ" – "Monako" qarşılaşmasından bir gün öncə keçiriləcək mətbuat konfranslarının başlama saatı məlum olub. Futbolinfo.az xəbər verir ki, Ağdam təmsilçisinin baş məqçisi Qurban Qurbanov və bir futbolçusu 16:30-da Tofiq Bəhramov adına Respublika stadionunun mətbuat zalında media mənsublarının suallarını cavablandıracaq. Fransalıların baş məşqçisi isə 17:15-də mətbuat konfransında iştirak edəcək.
Təmsilçimizin açıq məşqi 18:45-də klubun Suraxanıdakı bazasında olacaq. Məşq media mənsubları üçün 15 dəqiqə açıq olacaq. 18:15-də isə klub tərəfindən ayrılmış avtobus media mənsublarını Tofiq Bəhramov adına Respublika stadionundan Suraxanıdakı bazaya aparacaqdır. Monakonun məşqi isə saat 18:00-da mərkəzi arenada baş tutacaq.