Sabah Avropa Liqasının qrup mərhələsinin 4-cü turu çərçivəsində "Qarabağ" Fransanın "Monako" klubunu qəbul edəcək. Futbolinfo.az xəbər verir ki, Tofiq Bəhramov adına stadionda baş tutacaq qarşılaşmaya maraq əvvəlki dönəmlərdən bir qədər azdı. Bu dəqiqəyədək görüşə 13 min bilet satılıb.
Xatırladaq ki, 3 turdan sonra "Monako" 5 xalla qrupda 1-ci, "Qarabağ" isə 3 xalla 4-cü pillədə qərarlaşıblar. Bu komandalar arsında Fransada baş tutan oyunda meydan sahibləri 1:0 hesablı qələbə qazanıblar.
Qeyd edək ki, "Qarabağ" – "Monako" matçı sabah saat 20:00-da start götürəcək.