Dünən Topaz Premyer Liqasının 14-cü turu çərçivəsində “Qarabağ”ı (1:0) üstələyən “Neftçi” istirahətsiz yığışıb. Futbolinfo.az xəbər verir ki, komanda bu gün bərpa məşqinə çıxıb.
"Ağ-qaralar" hazılıqlarını bazasında davam etdirir. Bakılılar sabah keçəcəyi 2 məşqlə ölkə kuboku çərçivəsində baş tutacaq “Qaradağ-Lökbatan”la görüşə hazırlaşacaq.
Bakılılarda əvvəlki matçlarda olduğu kimi yenə Araz Abdullayev, Salas Quinta və Məqsəd İsayev zədədən əziyyət çəkir.
Qeyd edək ki, sözügedən qarşılaşma dekabrın 3-də saat 18:00-da “Bakcell Arena”da start götürəcək.