Gəncə şəhər stadionunda təmir işləri davam edir. Futbolinfo.az xəbər verir ki, artıq arenanın qaçış cığırı yenisi ilə əvəzlənib.
Klubdan aldığımız məlumata görə, cari ayın 25-də meydançanın kənarındakı qaçış zolağına asfalt çəkilib. Bundan başqa, tribunalarda quraşdırılmaq üçün yeni oturacaqlar da gətirilib. Onların da yaxın vaxtlarda istifadəyə veriləcəyi gözlənilir.
Qeyd edək ki, indiyədək tribunalarda 3 mindən artıq oturacaq quraşdırılıb.