Topaz Premyer Liqasının son turunda “Zirə”yə (0:1) məğlub olan “Xəzər Lənkəran” bir günlük fasilədən sonra bu gün yenidən bir araya gəlib. Futbolinfo.az xəbər verir ki, cənublular Azərbaycan Kubokunun 1/8 final mərhələsi çərçivəsində “Kəpəz”lə keçiriləcək görüşə hazırlırlaşır.
Cənub təmsilçisi bu oyuna itkilərlə hazırlaşır. Belə ki, “qartallar”la qarşılaşmada zədələnərək, oyunu yarımçıq tərk edən İlyas Səfərzadə gəncəlilərlə görüşü buraxacaq. Müdafiəçi ən yaxşı halda 15-ci turda “Qəbələ”ilə oyuna hazır olacaq. Bundan başqa, əzələsini dartdığı üçün zirəlilərlə matçı da hücumçu Elnur Cəfərov qərblilərə qarşı oyunda komandasına kömək edə bilməyəcək.
Qeyd edək ki, sözügedən qarşılaşma dekabrın 2-i, saat 17:00-da Lənkəran şəhər stadionunda baş tutacaq.