Bakı Olimpiya Stadionuna Avropa Təhlükəsizlik və Stadionların İdarə olunması Assosiasiyası (ESSMA) tərəfindən sertifikat verilib. Futbolinfo.az xəbər verir ki, ESSMA Avropada və qitənin hüdudlarından kənarda UEFA ilə birlikdə 150-dən artıq idman obyektinin idarəçiliyini biraraya gətirən qeyri-kommersiya təşkilatıdır.
1996-cı ildə təsis olunmuş assosiasiya "Kommerzbank Arena", "Türk Telekom Arena", "Uembli", "Kamp Nou", "Santyaqo Bernabeu" və s. stadionları sertifikatlaşdırılıb. Təşkilatın nəzarəti altında stadionların idarə olunması ilə bağlı ixtisaslaşmış tədbirlər keçirilir və azarkeşlərin təhlükəsizliyi təmin edilir.