“Qalatasaray” baş məşqçisi Mustafa Dənizli ilə yolları hər an ayıra bilər. Futbolinfo.az xəbər verir ki, 66 yaşlı mütəxəssis vəzifəsindən istefa verməyə hazırlaşır.
Buna səbəb “sarı-qırmızılar”ın həm ölkə çempionatındakı inamsız çıxışı, həm də avrokuboklardan uzaqlaşmasıdı. Bu barədə çalışdırıcı özü, Türkiyə Superliqasının 23-cü turu çərçivəsində səfərdə “Qaziantepspor”a 0:2 hesabı ilə uduzduqları oyundan sonra jurnalistlərə açıqlamasında məlumat verib. O, bir qərar verdiyini və bunu sabah klub prezidenti ilə görüşdə ona da bildirəcəyini deyib.
Qeyd edək ki, Dənizli ötən ilin noyabrından İstanbul təmsilçisinə baş məşqçilik edir.