“Yuventus” ciddi itki ilə üzləşib. Futbolinfo.az xəbər verir ki, “ağ-qaraların” müdafiəçisi Corco Kyellini zədələnib.
Klubun rəsmi saytında yayılan məlumata görə, futbolçu İtaliya A Seriyasının 31-ci turunda “Empoli” ilə qarşılaşmanın (1:0) 54-cü dəqiqəsində xəsarət alıb. Əzələsi dartılan təcrübəli müdafiəçi 3 həftə yaşıl meydanlardan uzaq qalacaq.
Qeyd edək ki, Kyellini 2005-ci ildən Turin təmsilçisinin şərəfini qoruyur.